मुंबई : आयपीएलचा उत्सव सुरू झाला आहे. दररोजचे सामने रंगतार ठरत आहे. आज मुंबईच्या वानखेडेवर चेन्नइ विरूध्द पंजाब यांच्यात लढाई रंगाणार आहे. महेंद्रसिंह धोनीच्या नेतृत्वाखालील चेन्नई सुपर किंग्ज आणि लोकेश राहुलच्या नेतृत्वाखालील पंजाब किंग्ज हे संघ आज आयपीएल 2021चा आठवा सामना खेळणार आहेत. दिल्ली कॅपिटल्सकडून स्वीकाराव्या लागलेल्या पराभवानंतर चेन्नईला आज पंजाबला हरवून स्पर्धेत आत्मविश्वास कमावण्याची संधी असणार आहे. 
चेन्नई संघाने दिल्लीविरुद्धच्या सामन्यात खूप चुका केल्याचे आपण पाहिले आहे. चेन्नईच्या खेळाडूंनी  सोपे झेलही सोडले होते आणि गोलंदाजांनीही निराशाजनक कामगिरी नोंदवली होती. त्यामुळे अंतिम अकरा संघ निवडताना धोनीसमोर मोठा प्रश्न असणार आहे. चेन्नईची सर्वात मोठी समस्या म्हणजे त्याच्या संघात अनेक खेळाडू असे आहेत, ज्यांनी मागील काही काळापासून जास्त क्रिकेट खेळलेले नाही.

असे आहेत दोन्ही संघ : 
चेन्नई सुपर किेंग्ज : ऋतुराज गायकवाड, फाफ डु प्लेसिस, सुरेश रैना, मोईन अली, अंबाती रायुडू, रवींद्र जडेजा, महेंद्रसिंह धोनी (कर्णधार आणि यष्टीरक्षक), सॅम करन, ड्वेन ब्राव्हो, शार्दुल ठाकूर आणि दीपक चहर.

पंजाब किंग्ज : केएल राहुल (कर्णधार आणि यष्टीरक्षक), मयंक अग्रवाल, ख्रिस गेल, दीपक हुडा, निकोलस पूरन, शाहरुख खान, ख्रिस जॉर्डन, झाय रिचर्ड्सन, रवी बिश्नोई, मोहम्मद शमी, अर्शदीप सिंह.