शारजा : आयपीएलच्या 13 व्या मोसमातील 28 वा सामना काल शारजात रॉयल चॅलेंजर्स बंगळुरु विरुद्ध कोलकाता नाईट रायडर्स यांच्यात झाला. या सामन्यात केकेआरला आरसीबीचा फलंदाज एबी डिव्हिलियर्स नावाचं वादळ घातक ठरलं. एबीने केकेआरच्या गोलंदाजांवार हल्ला करत ३३ चेंडूंत पाच चौकार आणि सहा षटकारांच्या जोरावर नाबाद ७३ धावांची वादळी खेळी साकारली. एबीच्य तुफानी फलंदाजी आणि गोलंदाजांच्या भेदक माऱ्यावर आरसीबीने केकेआरवर मोठा विजय मिळवला. आरसीबीने केकेआरवर ८२ धावांनी आत्तापर्यंत सर्वात मोठा विजय साकारला.

रॉयल चॅलेंजर्स बंगळुरुने नाणेफेक जिंकली आणि प्रथम फलंदाजी करण्याचा निर्णय घेतला. कोहलीचा घेतलेला हा निर्णय योग्य असल्याचे पाहायला मिळाले. रॉयल चॅलेंजर्स बंगळुरुने कोलकाता नाईट रायडर्स समोर १९५ धावांच्या आव्हान ठेवले होते. या आव्हानाचा पाठलाग करताना केकेआरची दमछाक झाली. केकेआरची सलामी जोडी फोल ठरली. सलामी फलंदाजी करण्यासाठी टॉम बँटन पहिल्यांदाच आला होता. माञ, टॉमला फक्त ९ धावा करता आल्या. केकेआरचे अनुभवी फलंदाज यावेळी लवकर बाद झाले आणि केकेआरला धक्के बसत गेले. कर्णधार दिनेश कार्तिक आणि इऑन मॉर्गन यांना यावेळी मोठी खेळी साकारता आली नाही. आंद्रे रसेलची फटकेबाजीही यावेळी क्षणभंगुर ठरली. रसेलला या सामन्यात १६ धावा करता आल्या. फॉर्मात असलेला सलामीवीर शुभमन गिलने यावेळी २५ चेंडूंत ३४ धावा केल्या, पण त्यालाही मोठी खेळी साकारता आली नाही.

एबी वादळ : शारजा मैदानवरएबी डिव्हिलियर्सच्या फलंदाजीचे वादळ पुन्हा एकदा क्रिकेट प्रेमिंना पाहता आले. एबीने २३ चेंडूंमध्ये आपले अर्धशतक पूर्ण करत केकेआरच्या गोलंदाजांची चांगलीच धुलाई केली. एबीने यावेळी फक्त ३३ चेंडूंत पाच चौकार आणि सहा षटकारांच्या जोरावर नाबाद ७३ धावांची वादळी खेळी साकारली. आरसीबीला या सामन्यात ६७ धावांची चांगली सलामी मिळाली. पडीक्कलने २३ चेंडूंत चार चौकार आणि एका षटकाराच्या जोरावर ३२ धावा केल्या. फिंचनेही या सामन्यात चांगल्या धावा केल्या. पण फिंचचे शतक यावेळी फक्त तीन धावांनी हुकले. फिंचने ३७ चेंडूंत चार चौकार आणि एका षटकाराच्या जोरावर ४७ धावा केल्या.कोहलीने यावेळी २८ चेंडूंत नाबाद ३३ धावा केल्या.